16-வது ஐ.பி.எல். கிரிக்கெட் திருவிழாவில் இன்று மாலை 3.30 மணிக்கு நடைபெறும் 22-வது லீக் ஆட்டத்தில் மும்பை இந்தியன்ஸ் அணி, கொல்கத்தா நைட் ரைடர்ஸ் அணியுடன் மோதுகிறது.
5 முறை சாம்பியனான மும்பை இந்தியன்ஸ் அணி தனது முதல் 2 ஆட்டங்களில் பெங்களூரு, சென்னை அணிகளிடம் அடுத்தடுத்து தோல்வியை தழுவியது.
முந்தைய ஆட்டத்தில் 6 விக்கெட் வித்தியாசத்தில் வெற்றி கணக்கை தொடங்காத டெல்லியை தோற்கடித்தது.
அந்த ஆட்டத்தில் 173 ரன் இலக்கை கடைசி பந்தில் தட்டுத்தடுமாறி தான் எட்டிப்பிடித்தது. முதல் 2 ஆட்டங்களில் ஏமாற்றம் அளித்த கேப்டன் ரோகித் சர்மா (65 ரன்கள்) அரைசதம் அடித்தது அந்த அணிக்கு நல்ல விஷயமாகும்.
