ஒன்றாரியோவில் ஆயிரம் ஆசிரியர்கள் பணியில் அமர்த்தப்படவுள்ளனர்

ஒன்றாரியோ மாகாணத்தில் சுமார் ஆயிரம் ஆசிரிரயர்கள் பணியில் அமர்த்தப்பட உள்ளதாக அறிவிக்கப்பட்டுள்ளது.

மாகாண கல்வி அமைச்சர் ஸ்டீபன் லீஸ் இந்த அறிவிப்பினை வெளியிட்டுள்ளார்.

கணிதம் மற்றும் எழுத்தறிவு சார்பான பாடங்களை இந்த ஆசிரியர்கள் கற்பிக்க உள்ளதாகத் தெரிவிக்கப்படுகின்றது.

இந்த திட்டத்தை அமுல்படுத்துவதற்காக ஒன்றாரியோ அரசாங்கம் 180 மில்லியன் டொலர்களை ஒதுக்கீடு செய்துள்ளது.

கல்வியின் தரத்தை மேம்படுத்தவும், தொழில் வாய்ப்புக்களை ஏற்படுத்தும் வகையிலான கல்வி முறையை உருவாக்கவும் இவ்வாறு ஆசிரியர்கள் நியமிக்கப்படுவதாக அமைச்சர் சுட்டிக்காட்டியுள்ளார்.

வாசிப்பு, எழுதுதல் மற்றும் கணிதம் ஆகிய பாடங்களுக்காக இவ்வாறு ஆயிரம் ஆசிரியர்கள் நியமிக்கப்பட உள்ளனர்.