காவல்துறையில் பணியாற்ற விரும்பினால் படிக்கும் போதே அதற்கான தகுதிகளை வளர்த்துக் கொள்ள வேண்டும் என வேலூர் சரக டி.ஐ.ஜி. முத்துச்சாமி அறிவுரை வழங்கினார்.
வேலூர் முத்துரங்கம் அரசு கலைக்கல்லூரியின் ஆண்டு விழா, விளையாட்டு விழா நேற்று நடைபெற்றது. கல்லூரி முதல்வர் மலர் தலைமை தாங்கினார்.
இயற்பியல் துறை தலைவர் மாரிமுத்து வாழ்த்தி பேசினார். உடற்கல்வி இயக்குனர் அகிலன் வரவேற்றார்.
போட்டித்தேர்வுகளில் பங்கேற்க ஏதேனும் ஒரு பட்டப்படிப்பு மட்டும் போதுமானது. அதை வைத்து மத்திய, மாநில அரசுகளில் போட்டித்தேர்வில் பங்கேற்கலாம்.
நாம் எந்த பணிக்கு செல்ல வேண்டும் என்று நினைக்கின்றோமோ, அந்த பணி மீதான ஆசை அதிகமாக இருக்க வேண்டும்.
நாம் விரும்பும் பணி நமக்கு கிடைத்தால் அதில் சாதிக்கலாம்.
கற்றுக் கொள்வதில் அதீத ஆர்வம் வேண்டும்.
படிப்புடன் சமூக அக்கறையும் வேண்டும். போட்டித் தேர்வுகளுக்கு தயாராகும் போது அதற்கான அணுகுமுறையும் மிக முக்கியமானதாக அமைகிறது.
முறையாக திட்டமிட்டு பயணிக்க வேண்டும். பல கிராமப்புற மாணவர்கள் இங்கு படிக்கின்றனர்.
உங்களுக்குள் தாழ்வு மனப்பான்மை இருக்கக்கூடாது. யாரிடமும் பேசக்கூடிய துணிவை வளர்த்துக் கொள்ள வேண்டும்.
உயர்ந்த பதவிகளை அடைய வாய்ப்புகள் அதிகம் உள்ளது. அந்த வாய்ப்புகளை முறையாக பயன்படுத்தினால் தேர்வில் வெற்றி பெறலாம். இவ்வாறு அவர் பேசினா
