முன்னாள் சாம்பியனான ஐதராபாத் சன்ரைசர்ஸ் அணி 3 வெற்றி, 5 தோல்வி என்று 6 புள்ளியுடன் பட்டியலில் 9வது இடம் வகிக்கிறது.
16-வது ஐ.பி.எல். கிரிக்கெட் போட்டியின் லீக் சுற்று முக்கியமான கட்டத்தை நெருங்குகிறது. இன்று இரவு 7.30 மணிக்கு ராஜீவ் காந்தி மைதானத்தில் நடைபெறவுள்ள போட்டியில் கேப்டன் ராணா தலைமையிலான கொல்கத்தா அணி, கேப்டன் மார்க்ரம் தலைமையிலான ஐதராபாத் சன்ரைசர்ஸ் அணியுடன் கோதாவில் குதிக்கின்றன.
கடந்த ஆட்டத்தில் 9 ரன் வித்தியாசத்தில் டெல்லி கேப்பிட்டல்சை தோற்கடித்த ஐதராபாத் அணி அந்த வெற்றி வேட்கையை நீட்டிக்க தீவிரம் காட்டுகிறது.
கொல்கத்தாவுக்கு எதிரான முந்தைய ஆட்டத்தில் சதம் அடித்த ஹாரி புரூக், அதன் பிறகு 4 ஆட்டங்களில் வெறும் 34 ரன் மட்டுமே எடுத்து தடுமாற்றம் கண்டுள்ளார்.
இந்த ஆட்டத்தின் மூலம் அவர் மீண்டும் பார்முக்கு திரும்புவாரா என்ற எதிர்ப்பார்ப்பு நிலவுகிறது. மற்றபடி அபிஷேக் ஷர்மா, கேப்டன் மார்க்ரம், ஹென்ரிச் கிளாசென் நம்பிக்கை அளிக்கிறார்கள்.
