ஆஸ்திரேலியாவை சேர்ந்த மாடல் அழகி சியன்னா வெயிர் (வயது 23). 2022-ம் ஆண்டு நடந்த பிரபஞ்ச அழகி போட்டியில் கலந்து கொண்ட அவர், இறுதி போட்டியாளராக தேர்வு செய்யப்பட்டவர்.
இந்த நிலையில், கடந்த ஏப்ரல் 2-ந்தேதி ஆஸ்திரேலியாவில் வின்ட்சார் போலோ கிரவுண்டில் குதிரை சவாரி மேற்கொண்டார். அப்போது, அவரது குதிரை திடீரென சரிந்து, விழுந்து உள்ளது.
இதில் சியன்னாவுக்கு பலத்த காயம் ஏற்பட்டது. அவரை உடனடியாக மீட்டு, வெஸ்ட்மீட் பகுதியில் உள்ள மருத்துவமனைக்கு சிகிச்சைக்காக கொண்டு சென்றனர். பல வாரங்களாக உயிர் காக்கும் சிகிச்சை அவருக்கு அளிக்கப்பட்டு வந்தது.
எனினும், அதில் முன்னேற்றம் ஏற்படாத நிலையில், உயிர் காக்கும் சிகிச்சையை எடுத்து விடும்படி அவரது குடும்பத்தினர் கூறியுள்ளனர். இதனை தொடர்ந்து, அவர் உயிரிழந்து உள்ளார்.
