பிரித்தானிய மன்னர் மூன்றாம் சார்லஸ் முடிசூட்டு விழாவில் இளவரசர் ஹாரி மூன்றாவது வரிசையில் அமரவுள்ளார்.
பிரித்தானிய மன்னராக சார்லஸ் இன்று உள்ளூர் நேரப்படி 12 மணிக்கு முடிசூட்டிக் கொள்ளவுள்ளார்.
அவர் மனைவி கமிலாவும் ராணியாக முடிசூட்டி கொள்கிறார்.
முடிசூட்டு விழாவிற்காக மன்னர் சார்லஸின் இளைய மகன் ஹாரி அமெரிக்காவில் இருந்து நேற்று பிரித்தானியாவிற்கு விமானம் மூலம் வந்து இறங்கியுள்ளார் என தகவல்கள் தெரிவிக்கின்றன.
ஹாரியுடன் அவர் மனைவி மேகன் மேர்க்கல் வரவில்லை என தெரிகிறது.
இந்நிலையில் முடிசூட்டு விழாவில், இளவரசர் ஹாரிக்கு மூன்றாவது வரிசையில் இடம் ஒதுக்கப்பட்டுள்ளது.
முடிசூட்டு விழா முடிந்த சில மணி நேரங்களிலேயே டியூக் ஆஃப் சசெக்ஸ் அமெரிக்காவிற்குப் பறந்து செல்லத் திட்டமிட்டுள்ளதாகக் தகவல் வெளியாகியுள்ளது.
