மாட்ரிட் ஓபன் சர்வதேச டென்னிஸ் போட்டி ஸ்பெயினில் நடந்து வந்தது. பிரெஞ்சு ஓபனுக்கு முன்னோட்டமாக களிமண் தரையில் நடத்தப்பட்ட இந்த போட்டியின் இறுதிசுற்றில் 2-ம் நிலை வீரரும், நடப்பு சாம்பியனுமான கார்லஸ் அல்காரசும் (ஸ்பெயின்), 65-ம் நிலை வீரர் ஜன் லினர்ட் ஸ்ரப்பும் (ஜெர்மனி) மோதினர்.
ஸ்ரப் தொடக்கம் முதலே கடும் சவால் அளித்த போதிலும் 3 செட் வரை போராடி அல்காரஸ் வெற்றியை வசப்படுத்தினார்.
2 மணி 25 நிமிடங்கள் நீடித்த ஆட்டத்தின் முடிவில் அல்காரஸ் 6-4, 3-6, 6-3 என்ற செட் கணக்கில் வாகை சூடி சாம்பியன் கோப்பையை தக்கவைத்தார். 20 வயதான அல்காரசுக்கு இது 10-வது சர்வதேச பட்டமாகும்.
