தமிழகத்தில் 10 நகரங்களில் வெயில் 100 டிகிரியை தாண்டி கொளுத்தியது.
சென்னையில் 105.26 டிகிரி வெயில் பதிவாகி வாட்டி வதைத்தது.இதன் காரணமாக மக்கள் பெரும் அவதிக்கு ஆளாகியுள்ளனர்.
வங்கக்கடலில் உருவான ‘மோக்கா’ புயல் காரணமாக தமிழ்நாட்டில் மழைக்கான வாய்ப்பை விட இனி வரக்கூடிய நாட்களில் வெப்பத்தின் தாக்கம் இருக்கக்கூடும் என்று வானிலை ஆய்வு மையம் தெரிவித்துள்ளது.
எரிகிற நெருப்பில் எண்ணெய் ஊற்றுவது போல, மக்களுக்கு அதுவும் குறிப்பாக சென்னைவாசிகளுக்கு கூடுதல் கலக்கத்தை ஏற்படுத்தியுள்ளது.
நேற்று மதியம் 3 மணிக்கு மேல் அனல் காற்றுடன் கூடிய ஊமை வெயில் மக்களை வாட்டியது.
மாலை 6 மணி கடந்தும் இதே நிலைமை தொடர்ந்ததால் மக்கள் மிகவும் தவித்து போனார்கள்.
