நாடு முழுவதும் சமீபத்தில் வெளியான ‘தி கேரளா ஸ்டோரி’ திரைப்படம் பெரும் சர்ச்சையை ஏற்படுத்தி இருந்தது.
இந்த நிலையில் இந்த திரைப்படத்தின் ‘லிங்க்’ ஒன்றை காஷ்மீரின் அரசு மருத்துவக்கல்லூரியில் படிக்கும் மாணவர் ஒருவர், மாணவர்களுக்கான வாட்ஸ்அப் குழுவில் பகிர்ந்தார்.
இதற்கு சக மாணவர்கள் எதிர்ப்பு தெரிவித்ததால் அவர்களுக்கு இடையே மோதல் ஏற்பட்டது.
விடுதியில் தங்கியிருந்த மாணவர்கள் நேற்று முன்தினம் நள்ளிரவில் ஒருவருக்கொருவர் மோதிக்கொண்டனர்.
அப்போது வெளிநபர்கள் சிலரும் உள்ளே புகுந்து மாணவர்களை பலமாக தாக்கினர். இதில் 5 மாணவர்கள் பலத்த காயமடைந்தனர். இதுகுறித்து தகவல் அறிந்த போலீசார் உடனடியாக கல்லூரிக்கு விரைந்தனர்.
