கனடாவில் இடம் பெற்ற தாக்குதல் சம்பவம் ஒன்றில் இரண்டு பேர் கொல்லப்பட்டுள்ளனர்.
கனடாவின் ஒன்றாரியோ மாகாணத்தின் பெம்ரோக் எனும் பகுதியில் இந்த சம்பவம் இடம்பெற்றுள்ளது.
தாக்குதல் சம்பவம் என்று தொடர்பில் போலீசாரக்கு கிடைக்கப்பெற்ற தகவல்களின் அடிப்படையில் சம்பவ இடத்திற்கு விரைந்துள்ளனர்.
இப்போது படுகாயம் அடைந்த நிலையில் இருந்த இரண்டு பேரை போலீசார் மீட்டு வைத்தியசாலையில் அனுமதித்துள்ளனர்.
சம்பவ இடத்திலேயே மற்றுமொருவர் உயிரிழந்திருந்ததாக தெரிவிக்கப்படுகிறது.
வைத்தியசாலையில் அனுமதிக்கப்பட்ட இரண்டு பேரில் ஒருவர் சிகிச்சை பலனின்றி உயிரிழந்துள்ளார்.
இலக்கு வைக்கப்பட்ட தாக்குதல் மேற்கொள்ளப்பட்டு இருக்கலாம் என பொலிஸார் சந்தேகம் வெளியிட்டுள்ளனர்.
சம்பவம் தொடர்பில் சந்தேகத்திற்கிடமான ஏதேனும் தகவல்கள் இருந்தால் அதனை வழங்குமாறு போலீசார் கோரியுள்ளனர்.
சம்பவம் தொடர்பில் விசாரணைகள் ஆரம்பிக்கப்பட்டுள்ளதாக தெரிவிக்கப்படுகிறது.
பிரதேச மக்கள் தங்களது பாதுகாப்பு குறித்து விழிப்புணர்வுடன் இருக்க வேண்டும் எனவும் போலீசார் அறிவித்துள்ளனர்.
