மும்பை காட்கோபர் எல்.பி.எஸ். சாலை வதாவன் காம்பவுண்ட் பகுதியில் உள்ள 29 மாடி கட்டிடத்தில் நேற்று இரவு 7.45 மணியளவில் திடீரென தீ விபத்து ஏற்பட்டது.
15-வது மாடியில் பற்றிய தீ மற்ற பகுதிகளுக்கும் பரவ தொடங்கியது. தகவல் அறிந்த தீயணைப்பு படையினர் விரைந்து வந்து ராட்சத ஏணிகள் மூலம் தீயை அணைக்கும் பணியிலும், மீட்பு பணியிலும் துரிதமாக ஈடுபட்டனர்.
தீயை அணைக்கும் பணி தொடர்ந்து நீடித்த நிலையில், உயிர் சேதம் ஏற்பட்டதாக தகவல் இல்லை என்று தீயணைப்பு படை அதிகாரி ஒருவர் தெரிவித்தார். மேலும் தீ விபத்துக்கான காரணம் குறித்து போலீசார் விசாரணை நடத்தி வருகின்றனர்.
