தமிழ் மக்களின் உள்ளக சுய நிர்ணய அடிப்படையில் தமது அபிலாஷைகளைப் பூர்த்தி செய்து கொள்வதையே விரும்புகின்றனர்.
இந்த இழுத்தடிப்புக்கள் மூலமாகத் தீர்வினை நீர்த்துப்போகச் செய்வதற்கு முயன்றால் வெளியக சுய நிர்ணயத்தைக் கோரும் நிலைமை ஏற்படும் என்று இலங்கை தமிழரசுக் கட்டியின் சிரேஷ்ட தலைவரும் திருகோணமலை மாவட்ட நாடளுமனன்ற உறுப்பினருமான இரா.சம்பந்தன் தெரிவித்துள்ளார்.
ஜனாதிபதி ரணில் விக்ரமசிங்க தலைமையிலான அரசாங்கத் தரப்புடன் கடந்த 08.06.2023 அன்று இடம்பெற்ற பேச்சுவார்த்தை, அதனோடிணைந்த எதிர்கால செயற்பாடுகள் தொடர்பில் கருத்து வெளியிடும்போதே அவர் மேற்கண்டவாறு தெரிவித்துள்ளார்.
அவர் மேலும் கூறுகையில், ரணில் விக்ரமசிங்க தலைமையிலான அரச தரப்புடனான பேச்சுவார்த்தையில் முழுமையான திருப்தியைக் காணவில்லை. இருப்பினும் அவர்களின் கூற்றுப்படி எடுக்கப்படும் முயற்சிகளுக்கு நாம் ஒத்துழைப்புக்களை வழங்குவதற்குத் தயாராக உள்ளோம்.
