கிழக்கு மாகாண சுற்றுலாப் பணியகத்தின் தவிசாளர் நியமனம்

கிழக்கு மாகாண சுற்றுலாப் பணியகத்தின் தவிசாளராக ஏ.பி. மதன் நியமிக்கப்பட்டுள்ளார்.

கிழக்கு மாகாண ஆளுநர் செந்தில் தொண்டமானால் இன்றைய தினம்(14.06.2023) அவருக்கான நியமனக் கடிதம் வழங்கிவைக்கப்பட்டது.

இதையடுத்து ஏ.பி. மதன் தனது கடமைகளைக் திருகோணமலை காரியாலயத்தில் இன்றையதினம் பொறுப்பேற்றார்.

கிழக்கு மாகாண சுற்றுலாப் பணியகத்தின் தவிசாளராகப் பதவியேற்றுள்ள ஏ.பி. மதன், கொழும்பு ஊடகம் ஒன்றின் முன்னாள் பிரதம ஆசிரியர் என்பது குறிப்பிடத்தக்கது.