மன்னார் முருங்கன் அச்சன்குளம் பிரதேசத்தில் கூரிய ஆயுதத்தில் தாக்கி இளம் குடும்பஸ்தர் ஒருவரை கொலை செய்த சம்பவம் தொடர்பில் ஒரே குடும்பத்தை சேர்ந்த நான்கு பேரை தாம் இன்று கைது செய்ததாக முருங்கன் பொலிஸார் தெரிவித்துள்ளனர்.
ஒரே குடும்பத்தை சேர்ந்த தந்தை, மகன், மாமா மற்றும் மருமகன் ஆகியோரே கைது செய்யப்பட்டுள்ளனர்.
முருங்கன் அச்சன்குளம் பிரதேசத்தை சேர்ந்த 25 வயதான ஒரு பிள்ளையின் தந்தையான ரத்தனசிங்கம் துஷியந்தன் என்ற இளம் குடும்பஸ்தரே கொலை செய்யப்பட்டுள்ளார்.
நபர்கள் நாளைய தினம் மன்னார் நீதவான் நீதிமன்றத்தில் ஆஜர்ப்படுத்தப்பட உள்ளனர்.
