துருக்கி நாட்டில் பஸ் ஒன்று பள்ளத்தில் கவிழ்ந்து விபத்துக்குள்ளானதில் 7 பேர் உயிரிழந்ததாகவும், மேலும் 23 பேர் காயமடைந்துள்ளதாக தகவல் வெளியாகியுள்ளது.
துருக்கி – கார்ஸ் மாகாணத்தின் எர்சுரம்-கார்ஸ் தேசிய நெடுஞ்சாலையில் 40-க்கும் அதிகமான பயணிகளுடன் பஸ் ஒன்று சென்று கொண்டிருந்தது.
அங்குள்ள காராகுட் என்ற இடத்துக்கு அருகே சென்றபோது பஸ் திடீரென சாரதியின் கட்டுப்பாட்டை இழந்து நிலைதடுமாறி சாலையோரம் இருந்த 50 மீட்டர் ஆழ பள்ளத்தில் பஸ் கவிழ்ந்து விபத்துக்குள்ளானது.
இதனையடுத்து தகவலறிந்து மீட்பு படையினர் சம்பவ இடத்துக்கு விரைந்து சென்று மீட்பு பணியில் ஈடுபட்டனர்.
இருப்பினும் இந்த விபத்தில் 7 பேர் சம்பவ இடத்திலேயே உயிரிழந்தனர். மேலும் 23 பேருக்கு படுகாயமடைந்த நிலையில் அவர்களை மீட்பு படையினர் மீட்டு சிகிச்சைக்காக வைத்தியசாலையில் அனுமதித்துள்ளனர்.
