மாதவனை மயிலத்தமடு பண்ணையாளர்களுக்கு உடனடியாக தீர்வினை வழங்குவதாக ஜனாதிபதி தெரிவித்ததாக சாணக்கியன் தெரிவித்துள்ளார்.
கடந்த சில தினங்களுக்கு முன்னதாக தீர்மானித்ததின் அடிப்படையில் ஜனாதிபதிக்கும் நாடாளுமன்ற உறுப்பினர்களான சுமந்திரன், சாணக்கியனுக்கும் இடையிலான சந்திப்பு ஒன்று ஏற்பாடு செய்யப்பட்டிருந்தது.
எனினும் சாணக்கியன் வெளிநாட்டில் இருக்கும் நிலையில் அவரது விமானம் தாமதமானதால் அவரால் குறித்த கலந்துரையாடலில் கலந்து கொள்ள முடியவில்லை என தெரியவருகிறது.
இந்த நிலையில் இன்று (04.10.2023) ஜனாதிபதியை சந்தித்த சுமந்திரன் கடந்த 20 தினங்களாக வீதி ஓரமாக இருக்கும் பண்ணையாளர்களின் பிரச்சினை தொடர்பாக ஜனாதிபதியின் கவனத்துக்கு கொண்டு சென்றுள்ளார்.
ஜனாதிபதி, தனது செயலாளர் ஏக்கநாயக்காவிடம் குறித்த பிரச்சினை தொடர்பாக உடன் கவனம் எடுக்குமாறு அறிவுரை வழங்கியுள்ளார்.
