பாராளுமன்றத் தேர்தலில் – பங்களாதேஷ் அணி தலைவர்

பங்களாதேஷ் அணியின் தலைவர் ஷகிப் அல் ஹசன் வரவிருக்கும் பாராளுமன்றத் தேர்தலில் போட்டியிடவுள்ளதாக தகவல்கள் வெளியாகியுள்ளன.

பங்களாதேஷில் 12ஆவது பாராளுமன்றத் தேர்தல் எதிர்வரும் ஜனவரி 7ஆம் திகதி நடைபெறவுள்ளது. இதில் ஷகிப் அல் ஹசன் ஆளுங்கட்சியான அவாமி லீக்கின் சார்பில் மகுரா-1 தொகுதியில் போட்டியிடுகிறார். இது ஷகிப்பின் சொந்தத் தொகுதியாகும்.

2023ஆம் ஆண்டு உலகக் கிண்ணத்தில் இலங்கை அணிக்கு எதிரான ஆட்டத்தின்போது ஷகிப்பின் விரலில் எலும்பு முறிவு ஏற்பட்டது. இதனால் உலகக் கிண்ணத் தொடரில் இருந்து ஷகிப் விலகினார்.

தற்போது காயத்திற்கு சிகிச்சை பெற்றுவரும் அவர் மீண்டும் எப்போது அணிக்குத் திரும்புவார் என்பது குறித்து உறுதியான தகவல்கள் எதுவும் வெளியாகாத பின்புலத்திலேயே அவர் தேர்தலில் போட்டியிட உள்ளதாக தகவல்கள் வெளியாகியுள்ளன.