அஜித் நடித்த வாலி படத்தின் மூலம் நாயகியாக தமிழ் சினிமாவில் அறிமுகமானவர் நடிகை ஜோதிகா.
இப்படம் பிளாக்பஸ்டர் ஹிட் ஆனதோடு நடிகைக்கும் விருதுகளை பெற்று தந்தது. அதன்பிறகு பூவெல்லாம் கேட்டுப்பார் படத்தில் நடிகர் சூர்யாவுக்கு ஜோடியாக நடித்தார்.
பின் குஷி, தெனாலி, பூவெல்லாம் உன் வாசம், திருமலை, சந்திரமுகி, காக்க காக்க, சில்லுனு ஒரு காதல் என வரிசையாக முன்னணி நடிகர்களின் படத்தில் நடித்து டாப் நாயகியாக வலம் வந்தார்.
நடிகர் சூர்யாவை திருமணம் செய்துகொண்ட இவர்களுக்கு ஒரு மகன் மற்றும் மகள் உள்ளனர். இடையில் சினிமா பக்கம் வராமல் இருந்த ஜோதிகா இப்போது மீண்டும் மிகவும் தரமான கதைகளாக தேர்வு செய்து நடித்து வருகிறார்.
சென்னை மற்றும் மும்பைவில் வீடுகள், விலையுயர்ந்த கார்கள் என வைத்திருக்கும் இவரின் சொத்து மதிப்பு ரூ. 330 கோடிக்கு மேல் இருக்கும் என கூறப்படுகிறது.
