பிரபல மலையாள நடிகர் பிருத்விராஜ் நடிப்பில் உருவாகியுள்ள ஆடு ஜீவிதம் படத்தின் வெளியீட்டுத்திகதி அறிவிக்கப்பட்டுள்ளது.
மலையாளத்தில் மிகவும் புகழ்பெற்ற ஆடு ஜீவிதம் நாவலை தழுவி த கோட் லைஃப் திரைப்படம் உருவாகியுள்ளது.
இதில் அமலா பால் ப்ரித்விராஜுடன் நடித்துள்ளார். பிளெஸ்ஸி ஐப் தாமஸ் இந்தப் படத்தினை இயக்க ஏ.ஆர்.ரஹ்மான் இசையமைத்துள்ளார்.
மலையாளத்திலிருந்து தமிழிலும் ஆடு ஜீவிதம் நாவல் மொழி பெயர்க்கப்பட்டுள்ளது.
இந்நிலையில் இப்படம் ஏப்ரல் 10-ஆம் திகதி வெளியாகும் என படக்குழு அறிவித்துள்ளது.
நஜீப் கதாபாத்திரத்தில் நடிகர் பிருத்விராஜ் நடித்துள்ளார். இந்தப் படத்துக்காக பிருத்விராஜ் சுமார் 30 கிலோ எடையை குறைத்துள்ளமை குறிப்பிடத்தக்கது.
