ஜனாதிபதி தேர்தலில் போட்டியிடும் வேட்பாளரை தேர்ந்தெடுக்கும் பணியில் ஜனநாயக கட்சி மற்றும் குடியரசு கட்சி ஈடுபட்டு வருகின்றன.
ஜனாதிபதி வேட்பாளரை தேர்ந்தெடுக்கவும் அந்நாட்டில் தேர்தல் முறை பின்பற்றப்படுகிறது. அதன்படி, அந்நாட்டில் உள்ள மாகாணங்களில் தங்கள் கட்சி வேட்பாளரை தேர்ந்தெடுக்க தனித்தனியே தேர்தல் நடத்தப்பட்டு வருகிறது.
அந்தவகையில் நியூ ஹம்ப்ஷர் மாகாணத்தில் குடியரசு கட்சி வேட்பாளருக்கான தேர்தல் நடைபெற்றது. இதில், அமெரிக்க முன்னாள் ஜனாதிபதி டொனால்ட் ட்ரம்ப் , நிக்கி ஹெய்லி உள்ளிட்டோர் போட்டியிட்டனர்.
இதில் 52.5 சதவிகித ஆதரவு பெற்று டொனால்ட் ட்ரம்ப் வெற்றிபெற்றார். அதேவேளை, 46.6 சதவீத ஆதரவு பெற்று நிக்கி ஹெய்லி 2ஆம் இடம் பிடித்தார்.
இதன் மூலம் அமெரிக்க ஜனாதிபதி தேர்தலில் குடியரசு கட்சி வேட்பாளர் தேர்வில் டொனால்ட் ட்ரம்ப் முன்னிலையிலுள்ளார்.
இதன் மூலம் ஜனாதிபதி தேர்தலில் டிரம்ப் களமிறங்குவது கிட்டத்தட்ட உறுதியாகியுள்ளது. அதேவேளை, நியூ ஹம்ப்ஷர் மாகாணத்தில் ஜனநாயக கட்சி வேட்பாளருக்கான தேர்தலில் தற்போதைய ஜனாதிபதி ஜோ பைடன் வெற்றிபெற்றுள்ளார் என்பது குறிப்பிடத்தக்கது.
