கமல்ஹாசன்-மணிரத்னம் கூட்டணியில் ‘தக் லைஃப்’ திரைப்படம் உருவாகி வருகிறது. இப்படத்துக்கு ஏ. ஆர். ரஹ்மான் இசையமைக்கிறார்.
படத்தை உதயநிதி ஸ்டாலினின் ரெட் ஜெயண்ட் மூவிஸ், கமலின் ராஜ்கமல் நிறுவனம், மணிரத்னத்தின் மெட்ராஸ் டாக்கீஸ் நிறுவனம் ஆகியவை இணைந்து தயாரிக்கின்றன.
இப்படத்தின் முதற்கட்ட படப்பிடிப்பு சென்னையில் நிறைவடைந்துள்ள நிலையில், அடுத்தக்கட்ட படப்பிடிப்பு சேர்பியாவில் நடைபெற்று வருகிறது.
இதில், த்ரிஷா, கமல்ஹாசன் காட்சிகள் படமாக்கப்பட உள்ளதாகக் கூறப்படுகிறது. இந்த நிலையில், செர்பியா படப்பிடிப்பு புகைப்படங்கள் வெளியாகி படத்தின் மீதான எதிர்பார்ப்பை அதிகரித்துள்ளன.
