கனடாவின் ஒட்டாவாவில் இடம்பெற்ற கத்தி குத்து தாக்குதல் சம்பவத்தில் 6 இலங்கையர்கள் கொல்லப்பட்டுள்ளனர்.
ஒட்டாவாவின் பார்ஹேவன் பகுதியின் வீடொன்றில் இந்த தாக்குதல் சம்பவம் இடம்பெற்றுள்ளது.
உயிரிழந்தவர்களில் நான்கு பேர் சிறுவர்கள் என பொலிஸார் தகவல் வெளியிட்டுள்ளனர்.
இந்த தாக்குதலை மேற்கொண்ட 19 வயதான இலங்கையரை காவற்துறையினர் கைது செய்துள்ளனர்.
சம்பவத்தில் உயிரிழந்தவர்கள் அனைவரும் இலங்கையர்கள் என கனடாவிற்கான இலங்கை உயர்ஸ்தானிகரம் தெரிவித்துள்ளது.
இந்த சம்பவத்தில், 35 வயதான திலன்திகா ஏக்கநாயக்க, 7 வயதான இனுகா விக்ரமசிங்க, 4 வயதான அஸ்வினி விக்ரமசிங்க, 2 வயதான ரினியான விக்ரமசிங்க, இரண்டு மாதங்களான கெலி விக்ரமசிங்க மற்றும் 40 வயதான காமினி அமரக்கோன் ஆகியோர் கொல்லப்பட்டனர்.
ஒரே குடும்பத்தைச் சேர்ந்த தாய் மற்றும் பிள்ளைகளும் மற்றுமொரு நபரும் உயிரிழந்துள்ளனர்.
உயிரிழந்த பெண்ணின் கணவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.
