லியோ படத்தைத் தொடர்ந்து விஜய்யின் 68ஆவது படத்தை வெங்கட் பிரபு இயக்கி வருகிறார். இதில் நடிகர்கள் ஜெயராம், பிரபு தேவா, மோகன், பிரஷாந்த், வைபவ், சினேகா, லைலா, மீனாட்சி சௌத்ரி உள்ளிட்டோர் நடிக்கின்றனர்.
யுவன் சங்கர் ராஜா இசையமைக்கும் இப்படத்துக்கு, கிரேட்டஸ்ட் ஒஃப் ஆல் டைம்ஸ் (G.O.A.T. – Greatest Of All Times) எனப் பெயரிட்ட அறிவிப்பு போஸ்டர் வெளியாகி ரசிகர்கள் மத்தியில் கவனம் ஈர்த்தது.
இப்படத்தின் படப்பிடிப்பின் போது தன் ரசிகர்களை விஜய் சந்தித்து எடுத்துக்கொண்ட காணொளி இணையத்தில் வைரலானது.அடுத்தக்கட்ட படப்பிடிப்பு ரஷ்யாவில் தொடங்கியுள்ளது.
சமீபத்தில் கோட் படத்தின் அப்டேட்டினை தகாத வார்த்தைகளால் கேட்ட ரசிகரிடம் கிண்டலாக பதிலளித்திருந்தார் இயக்குநர் வெங்கட் பிரபு. இந்நிலையில் தனது எக்ஸ் பக்கத்தில், “விரைவில் கோட் படத்தின் அப்டேட் வரும். அது மிகவும் தரமான அப்டேட்டாக இருக்கும்” எனக் கூறியுள்ளார்.
