இந்தியாவிலுள்ள தமிழகத்தின் முதலமைச்சரும், தி.மு.க. தலைவருமான மு.க.ஸ்டாலின் தமிழகம் முழுவதும் சுற்றுப்பயணம் செய்து தி.மு.க. மற்றும் அதன் கூட்டணி கட்சி வேட்பாளர்களுக்கு பிரசாரம் செய்து ஆதரவு திரட்டி வருகிறார்.
அந்த வகையில் நேற்று(02) வேலூரில் நடந்த தேர்தல் பிரசாரத்தை முடித்துக்கொண்ட முதலமைச்சர் மு.க.ஸ்டாலின் திருவண்ணாமலையில் இன்று(03) நடைபெறவுள்ள பொதுக்கூட்டத்தில் பங்கேற்பதற்காக திருவண்ணாமலை சென்றடைந்தார்.
திருவண்ணாமலை மற்றும் ஆரணி மக்களவை தொகுதி தி.மு.க. வேட்பாளர்கள் சி.என்.அண்ணாதுரை, எம்.எஸ்.தரணிவேந்தன் ஆகியோரை ஆதரித்து திருவண்ணாமலையில் முதலமைச்சர் மு.க.ஸ்டாலின் இன்று(03) தேர்தல் பிரசாரம் செய்கிறார்.
திருவண்ணாமலையை அடுத்த சோமாசிப்பாடி அருகிலுள்ள சோ.காட்டுக்குளத்தில் இன்று(03) மாலை 5 மணிக்கு நடைபெறும் இந்த பொதுக்கூட்டத்துக்கு அமைச்சர் எ.வ.வேலு தலைமை தாங்குகிறார்.
இந்த நிலையில் முதல்-அமைச்சர் மு.க.ஸ்டாலின் வருகையை ஒட்டி திருவண்ணாமலையில் இன்று ஒருநாள் ட்ரோன்கள் பறக்கத் தடை விதிக்கப்பட்டுள்ளது.
