பிரதமர் நரேந்திர மோடி பேல்பூரி தயாரிப்பதாக பகிரப்பட்டு வரும் வீடியோ தவறான தகவல்களுடன் பகிரப்பட்டு வருவதாக கண்டறியப்பட்டுள்ளது.
நாடு முழுவதும் மக்களவைத் தேர்தல் பரபரப்பாக நடந்து வரும் நிலையில், வீடியோ ஒன்று வைரலாகி வருகிறது.
இந்த வீடியோவில், ஒருவர் பிரதமர் நரேந்திர மோடியை ஒத்த தோற்றத்தில் பேல்பூரி போன்றவற்றை தயாரிப்பதைக் காணலாம்.
இந்நிலையில் பிரதமர் மோடியே பேல்பூரி தயாரிப்பதாக நகைச்சுவையாக, இந்த வீடியோ சமூக வலைதள பக்கங்களில் பகிரப்பட்டது.
வைரலான இந்த வீடியோவை விஸ்வாஸ் நியூஸ் ஆய்வு செய்ததில் இந்த செய்தி தவறானது என நிரூபிக்கப்பட்டது. வீடியோவில் காணும் நபர் பிரதமர் மோடியை போன்று உள்ளார் எனவும், அந்த நபரின் பெயர் ஆனந்த் பாய் எனவும் கண்டறியப்பட்டது.
