கொல்கத்தா பெண் மருத்துவர் கொலை செய்யப்பட்ட சம்பவம் தொடர்பில் பல தரப்பினரும் போராட்டங்களை முன்னெடுத்து வருகின்றனர்.
இந்நிலையில், உச்ச நீதிமன்றம், மருத்துவ சங்கங்கள் போன்றன கோரிக்கை விடுத்தும் கொல்கத்தா மாணவர் சங்கம் போராட்டத்தை கைவிடவில்லை.
உயிரிழந்த மருத்துவருக்கு நீதி கிடைக்கும் வரையில் போராட்டம் நீடிக்கும் என அறிவித்துள்ளனர்.
இந்நிலையில் மேற்குவங்க மாணவர்கள் சங்கம் மாபெரும் பேரணியை முன்னெடுத்துள்ளது.
இதனால் கொல்கத்தா உள்ளிட்ட பகுதிகளில் சுமார் 4000க்கும் அதிகமான பொலிஸார் பாதுகாப்பு பணியில் ஈடுபட்டுள்ளனர்.
இப் பேரணி இன்று செவ்வாய்க்கிழமை நபன்னா பகுதியை அடைவதால் அவ்விடத்தில் 2100 பொலிஸார் பாதுகாப்பு பணியில் உள்ளனர்.
நபன்னா பகுதியை அடைந்த மாணவர்கள் பொலிஸாரால் போடப்பட்டிருந்த தடுப்புக்களை எடுத்துச் சென்றுள்ளனர்.
இதனைத் தொடர்ந்து போராட்டத்தில் ஈடுபட்ட மாணவர்களைக் கலைக்க பொலிஸார் தடியடி நடத்தியதோடு, கண்ணீர் புகைக் குண்டுகளையும் வீசியுள்ளனர்.
பொலிஸ் – மாணவர்கள் என இரு தரப்பினருக்கும் இடையில் மோதல் தொடர்வதால் அங்கே பதட்ட நிலை ஏற்பட்டுள்ளமை குறிப்பிடத்தக்கது.
