எகிப்தில் உள்ள கலாலா பல்கலைக்கழகத்தில் வகுப்பு முடிந்து வீடு திரும்பி கொண்டிருந்த மாணவர்களை ஏற்றி சென்ற பேருந்து ஐன் சோக்னா நெடுஞ்சாலை வழியாக சென்ற கொண்டிருந்தபோது திடீரென சாலையில் கவிழ்ந்து விபத்துக்குள்ளாகியுள்ளது.
இந்த விபத்தில் 12 பேர் உயிரிழந்திருப்பதாகவும், 33 பேர் காயமடைந்ததாக அந்நாட்டு சுகாதார அமைச்சகம் நேற்றிரவு (14-10-2024) தெரிவித்துள்ளது.
இருப்பினும், விபத்துக்கான காரணம் என்ன என்பதை அமைச்சகம் வெளியிடவில்லை.
இச் சம்பவம் பற்றி பொலிஸார் தகவல் தெரிவிக்கப்பட்டது. இதையடுத்து சம்பவ இடத்திற்கு விரைந்து வந்த பொலிஸார் காயமடைந்தவர்களை மீட்டு 28 ஆம்புலன்ஸ்கள் மூலம் சூயஸ் பகுதியில் உள்ள மருத்துவமனைக்கு அனுப்பி வைத்தனர்.
மருத்துவமனையில் சிகிச்சை பெற்று வருபவர்களின் நிலை தொடர்பில் எந்த தகவலும் வெளியாகவில்லை.
இந்த சம்பவம் தொடர்பில் வழக்குப்பதிவு செய்த பொலிஸார் விபத்துக்கான காரணம் குறித்து தீவிரமாக விசாரணை மேற்கொண்டு வருகின்றனர்.
