மதுரை காமராஜ் பல்கலை புதிய துணைவேந்தரை நியமிக்க, மூன்று நபர்கள் பட்டியலை தேடல் குழு கவர்னர் ரவியிடம் சமர்ப்பித்தது.
இதனால் விரைவில் துணைவேந்தர் அறிவிப்பு வெளியாகும்.துணைவேந்தரை தேர்வு செய்ய, சென்னை அண்ணா பல்கலை முன்னாள் துணைவேந்தர் பாலகுருசாமி தலைமையில் தேடல் குழு அமைக்கப்பட்டது.
இக்குழுவிற்கு வரப்பெற்ற மனுக்களில் 10 பேர் இறுதி செய்யப்பட்டு, பிப்.,4ல் நேர்காணலுக்கு அழைக்கப்பட்டனர்.சென்னையில் நடந்த நேர்காணலில் ஒருவர் வரவில்லை.
பங்கேற்ற ஒன்பது பேரில், அதிக மதிப்பெண் அடிப்படையில், சென்னை அண்ணா பல்கலை பேராசிரியர் குமார், சென்னை பல்கலை பேராசிரியர் வேல்முருகன், திருச்சி பாரதிதாசன் பல்கலை தாஜூதீன் ஆகியோரை தேர்வு செய்த தேடல் குழு, கவர்னரிடம் சமர்ப்பித்துள்ளது.
