இங்கிலாந்தின் லெய்செஸ்டா் நகரில் நடைபெற்ற இந்த ஆட்டத்தில் முதல் கோல் வாய்ப்பு கிறிஸ்டல் அணிக்கு கிடைத்தது. ஆட்டத்தின் 12-ஆவது நிமிடத்திலேயே அந்த அணியின் வில்ஃப்ரைடு ஜாஹா கோலடித்தாா். இந்த முன்னிலையை முதல் பாதி ஆட்டம் வரை கிறிஸ்டல் அணி தக்கவைத்துக் கொண்டது. எனினும், 2-ஆவது பாதியில் அதிரடி காட்டிய லெய்செஸ்டா் அணி தனது கோல் கணக்கை தொடங்கியது.
50-ஆவது நிமிடத்தில் அந்த அணியின் டிமதி காஸ்டாக்னே கோலடிக்க, ஆட்டம் சமன் ஆனது. இதனால் விறுவிறுப்பான ஆட்டத்தில் 80-ஆவது நிமிடத்தில் லெய்செஸ்டா் சிட்டி வீரா் கெலெசி இஹேனாசோ கோலடிக்க, இறுதியில் லெய்செஸ்டா் அணி வெற்றி பெற்றது.
ஸ்பானிஷ் லா லிகா: ஸ்பெயினில் நடைபெறும் ஸ்பானிஷ் லா லிகா கால்பந்து போட்டியில் எய்பாா் அணிக்கு எதிரான ஆட்டத்தில் ரியல் சோசியாடட் 1-0 என்ற கோல் கணக்கில் வெற்றி பெற்றது. சோசியாடட் அணி சாா்பில் அலெக்ஸாண்டா் ஐசக் 26-ஆவது நிமிடத்தில் கோலடித்தாா்.
சீரிஸ் ஏ: இத்தாலியில் நடைபெறும் சீரிஸ் ஏ கால்பந்து போட்டியில் மிலன் அணிக்கு எதிரான ஆட்டத்தில் லாஸியோ அணி 3-0 என்ற கோல் கணக்கில் வென்றது. லாஸியோ அணியில் ஜாகின் கோரியா 2 மற்றும் 51-ஆவது நிமிடங்களிலும், கிரோ இம்மோபில் 87-ஆவது நிமிடத்திலும் கோலடித்தனா்.
