றொரன்டோவில் இடம்பெற்ற துப்பாக்கிச் சூட்டு சம்பவத்தில் நபர் ஒருவர் உயிரிழந்துள்ளார்.
றொரன்டோவின் ஸ்வான்ஸீ பகுதியில் இந்த சம்பவம் இடம்பெற்றுள்ளது.
வின்டர்மிர் மற்றும் குயின்ஸ்வே வீதிகளுக்கு அருகாமையில் துப்பாக்கிச் சூட்டு சத்தம் கேட்டதாக பொலிஸார் தெரிவிக்கின்றனர்.
சம்பவ இடத்திற்கு விரைந்த போது 30 வயது மதிக்கத் தக்க நபர் ஒருவர் கார் ஒன்றில் எவ்வித சலனமுமின்றி இருப்பதனை கண்டுள்ளனர்.
படுகாயமடைந்த நிலையில் குறித்த நபர் வைத்தியசாலையில் அனுமதிக்கப்பட்ட போதிலும் அவர் சிகிச்சை பலனின்றி உயிரிழந்துள்ளார்.
இந்த சம்பவம் தொடர்பில் பொலிஸார் விசாரணைகளை ஆரம்பித்துள்ளனர்.
