மொன்றியலில் இடம்பெற்ற விபத்துச் சம்பவத்தில் இரண்டு பேர் கொல்லப்பட்டுள்ளதுடன் பத்து பேர் காயமடைந்துள்ளனர்.
மொன்றியலின் தென் பகுதியில் இடம்பெற்ற இந்த விபத்தில் பல வாகனங்கள் ஒன்றுடன் ஒன்று மோதிக் கொண்டுள்ளதாகத் தெரிவிக்கப்படுகின்றது.
பாரிய ட்ரக் வண்டி சாரதியொருவர் வேகமாக வாகனத்தைச் செலுத்தியதனால் இந்த விபத்து இடம்பெற்றுள்ளதாக குறிப்பிடப்படுகின்றது.
வேகத்தை கட்டுப்படுத்திக் கொள்ள முடியாத காரணத்தினால் குறித்த ட்ரக் வண்டி முன்னால் இருந்த ஏழு வாகங்களில் மோதுண்டுள்ளது.
இந்த விபத்தில் 42 வயதான பெண் ஒருவரும், 11 வயதான சிறுவன் ஒருவரும் உயிரிழந்துள்ளனர்.
இந்த சம்பவத்தில் 55 வயதான நபர் ஒருவரும், 16 வயதான சிறுவனும் படுகாயமடைந்துள்ளனர். இவர்களின் நிலைமை கவலைக்கிடம் என வைத்தியசாலை வட்டாரத் தகவல்கள் தெரிவிக்கின்றன.
இந்த சம்பவத்தில் மேலும் எட்டு பேர் வைத்தியசாலையில் அனுமதிக்கப்பட்டுள்ளனர்.
