மரம் அரியும் ஆலையில் ஏற்பட்ட தீ விபத்து

மரம் அரியும் ஆலையில் ஏற்பட்ட தீ விபத்து காரணமாக மூன்று மர ஆலைகள் முற்றாக எரிந்து நாசமாகியுள்ளதாக பெரிய நீலாவணை பொலிஸார் தெரிவித்துள்ளனர்.
தீ பரவல்

அம்பாறை மாவட்டம் பெரியநீலாவணை பொலிஸ் பிரிவிற்குட்பட்ட வீசி வீதியின் குறுக்கு வீதியாக அமைந்துள்ள 3 மர ஆலைகள் உள்ளிட்ட களஞ்சிய சாலைகள் இவ்வாறு இன்று (13.10.2022) அதிகாலை தீக்கரையாகியுள்ளன.

சம்பவ இடத்திற்கு சென்ற கல்முனை மாநகர சபை தீயணைப்பு பிரிவினர் தீ பரவுவலை கட்டுப்பாட்டுக்குள் கொண்டு வந்துள்ளனர்.

சம்பவம் தொடர்பிலான மேலதிக விசாரணைகளை பெரிய நீலாவணை பொலிஸார் முன்னெடுத்து வருகின்றனர்.