றொரன்டோவின் இட்டோபிகோக்கில் இடம்பெற்ற துப்பாக்கிச் சூட்டு சம்பவத்தில் 28 வயதான நபர் ஒருவர் கொல்லப்பட்டுள்ளார்.
இந்த தாக்குதல் சம்பவத்தில் மேலும் மூன்று பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.
எக்லின்டன் அவன்யூவின் மார்டீக் க்ரோவ் வீதியில் இந்த துப்பாக்கிச் சூட்டு சம்பவம் இடம்பெற்றுள்ளது.
இரண்டு வாகனங்களில் இருந்த நபர்கள் மீது இனந்தெரியாத நபர்கள் சராமரியாக துப்பாக்கிச் சூடு நடத்தியுள்ளதாக பொலிஸார் தெரிவிக்கின்றனர்.
சுமார் நூறுக்கும் மேற்பட்ட துப்பாக்கி வேட்டுக்கள் தீர்க்கப்பட்டதாகவும் சந்தேக நபர்கள் தப்பிச் சென்றுள்ளதாகவும் பொலிஸார் தெரிவிக்கின்றனர்.
