இங்கிலாந்து சுற்றுப்பயணத்துக்கு அடுத்ததாக இந்திய மகளிர் அணி ஆஸ்திரேலியாவுக்குச் சென்று 3 ஒருநாள், 3 டி20 தொடர்களில் விளையாடவுள்ளது.
அடுத்த மாதம் இங்கிலாந்துக்குச் சுற்றுப்பயணம் மேற்கொள்ளும் இந்திய மகளிர் அணி, ஒரு டெஸ்ட், 3 ஒருநாள், 3 டி20 ஆட்டங்களில் விளையாடுகிறது. இதற்கான இந்திய அணி சமீபத்தில் அறிவிக்கப்பட்டது.
இந்த வருட ஜனவரியில் இந்திய மகளிர் அணி ஆஸ்திரேலியாவுக்குச் சுற்றுப்பயணம் மேற்கொள்ளவிருந்தது. எனினும் கரோனா அச்சுறுத்தல் காரணமாக ஒத்திவைக்கப்பட்டது.
இந்நிலையில் செப்டம்பரில் இந்திய அணி ஆஸ்திரேலியாவுக்குச் சென்று 3 ஒருநாள், 3 டி20 தொடர்களில் விளையாடவுள்ளது. இத்தகவலை ஆஸி. வேகப்பந்து வீச்சாளர் மேகன் ஷட் ஒரு பேட்டியில் கூறியுள்ளார். இதையடுத்து இந்தியா – ஆஸ்திரேலியா மகளிர் அணிகள் விளையாடும் தொடர்கள் பற்றிய அறிவிப்பை கிரிக்கெட் ஆஸ்திரேலியா விரைவில் வெளியிடும் என எதிர்பார்க்கப்படுகிறது.
