டொரன்டோவில் வீடு ஒன்றில் ஏற்பட்ட தீ விபத்து காரணமாக 12 பேர் இடம்பெயர்ந்துள்ளனர்.
நேற்றைய தினம் அதிகாலை வேளையில் இந்த தீ விபத்து சம்பவம் பதிவாகியுள்ளது.
டொரன்டோவின் தேவன் போர்ட் ரோட் வீதி மற்றும் ஓல்டு வெஸ்டர்ன் வீதி ஆகியனவற்றுக்கு அருகாமையில் இந்த வீடு அமைந்துள்ளது என போலீசார் தெரிவிக்கின்றனர்.
தீ விபத்து தொடர்பில் அதிகாலை ஒன்று 40 மணியளவில் தகவல் கிடைக்கப்பெற்றதாக தீயணைப்பு படையினர் தெரிவிக்கின்றனர்.
வீடு முழுவதும் தீப்பற்றிக் கொண்டதாகவும் அருகாமையில் இருந்த கட்டிடங்களுக்கும் பரவியதாகவும் தீயணைப்பு படையினர் தெரிவிக்கின்றனர்.
தீ விபத்து காரணமாக குறித்த வீட்டுக்கு பலத்த சேதம் ஏற்பட்டுள்ளதாகவும் சேத விபரங்கள் இன்னும் மதிப்பீடு செய்யப்படவில்லை எனவும் போலீசார் தெரிவிக்கின்றனர்.
தீ விபத்து காரணமாக இவருக்கும் காயங்களோ உயிர் சேதமோ ஏற்படவில்லை என போலீசார் தெரிவிக்கின்றனர்.
சம்பவம் தொடர்பில விசாரணைகள் ஆரம்பிக்கப்பட்டுள்ளதாக தெரிவிக்கப்படுகிறது.
