பாகிஸ்தான் நாட்டில் கைபர்-பக்துன்குவா மற்றும் பலூசிஸ்தான் உள்ளிட்ட பல பகுதிகளில் கடந்த சில மாதங்களாக பயங்கரவாதம் தலைதூக்கி உள்ளது. சட்டம் மற்றும் ஒழுங்கு நிலைமை மோசமடைந்து உள்ளது.
நாடு முழுவதும் பயங்கரவாத குழுக்கள் தாக்குதல்களை நடத்தி வருகின்றன. இதுபற்றி தி நியூஸ் இன்டர்நேசனல் வெளியிட்ட அறிக்கை ஒன்றில், பாகிஸ்தான் நாட்டின் பல்வேறு பகுதிகளில், முதல் காலாண்டில் நடந்த தாக்குதலில் மொத்தம் 127 காவல் அதிகாரிகள் வரை உயிரிழந்து உள்ளனர் என தெரிவித்து உள்ளது.
தெஹ்ரீக்-ஐ-தலீபான் பாகிஸ்தான் பயங்கரவாத குழுவுடனான பேச்சுவார்த்தை கடந்த நவம்பரில் தோல்வி அடைந்த பின்பு, அந்த குழு தனது தாக்குதல்களை தீவிரப்படுத்தி உள்ளது.
