பிரபல மலையாள திரைப்பட தயாரிப்பாளர் சுரேஷ் குமார் மற்றும் நடிகை மேனகாவின் மகள் கீர்த்தி சுரேஷ். கீர்த்தியின் அம்மா மேனகா தமிழில் ரஜினிகாந்த் உட்பட சில டாப் ஸ்டார்களின் ஹீரோயினாக பிரபலமானவர்.
தமிழில் கீர்த்தி சுரேஷ் ‘இது என்ன மாயம்’ என்ற படத்தின் மூலம் அறிமுகமானார். தொடர்ந்து சிவகார்த்திகேயனுடன் ரஜினி முருகன்,ரெமோ, விஜயுடன் பைரவா, விக்ரமுடன் சாமி ஸ்கொயர், சூர்யாவுடன் தானா சேர்ந்த கூட்டம் போன்ற படங்களில் முன்னணி நட்சத்திரங்களுடன் ஜோடி சேர்ந்தார்.
கீர்த்தி சுரேஷின் திரையுலக வாழ்க்கையில் மிகப்பெரிய திருப்புமுனையாக அமைந்தது பிரபல நடிகை சாவித்ரியின் வாழ்க்கைக் கதையை அடிப்படையாகக் கொண்ட மகாநதி.இந்த படத்தில் நடித்த கீர்த்தி சுரேஷ் சிறந்த நடிகைக்கான தேசிய விருதையும் வென்றார்.
