விமான நிலையத்தில் குவிந்திருந்த ரசிகர்கள்

ஜெய்ப்பூரில் இருந்து சென்னை திரும்பிய, சென்னை சூப்பர் கிங்ஸ் அணி வீரர்களுக்கு விமான நிலையத்தில் ரசிகர்கள் உற்சாகமாக வரவேற்பளித்தனர்.

2023 ஐபிஎல் கிரிக்கெட் தொடர் இந்தியாவின் பல்வேறு மாநிலங்களில் நடைபெற்று வருகிறது.

ராஜஸ்தான் அணியுடனான போட்டியில் சிஎஸ்கே அணி தோல்வியடைந்த நிலையில், அடுத்த போட்டிக்காக வீரர்கள் சென்னை திரும்பினர்.

அப்போது, சென்னை விமான நிலையத்தில் குவிந்திருந்த ரசிகர்கள் தோனியை கண்டவுடன் ஆரவாரத்துடன் கூச்சலிட்டனர்.

இதையடுத்து, அங்கிருந்த ரசிகர்களை காவல்துறையினர் அப்புறப்படுத்தி வீரர்களை அணியின் வாகனத்தில் அனுப்பி வைத்தனர்.

நாளை சென்னை சேப்பாக்கம் மைதானத்தில் நடைபெறும் போட்டியில் சென்னை சூப்பர் கிங்ஸ் அணியும், பஞ்சாப் கிங்ஸ் அணியும் மோதவுள்ளது குறிப்பிடத்தக்கது.