தமிழ் சினிமாவில் முன்னணி நாயகியாக வலம் வந்த நடிகை ஜோதிகா தற்போது தனக்கு முக்கியத்துவம் கொடுக்கும் கதைகளை தேர்வு செய்து நடித்து வருகிறார்.
நடிகர் மாதவன், அஜய் தேவ்கான் ஆகியோர் முதன்மை கதாபாத்திரத்தில் நடிக்கும் பொலிவுட் படத்தில் நடிகை ஜோதிகா நடிக்கவுள்ளார்.
ஜோதிகா நடிப்பில் கடைசியாக கடந்த 2021ம் ஆண்டு உடன்பிறப்பே என்ற படம் வெளியாகியிருந்தது.
தற்போது மம்மூட்டியுடன் இணைந்து காதல் – தி கோர் படத்திலும், ஹிந்தியில் ஸ்ரீ என்ற படத்திலும் நடித்துள்ளார்.
இந்தப் படங்கள் அடுத்தடுத்து வெளியாகவிருக்கின்றன.
கிட்டத்தட்ட 25 ஆண்டுகளுக்கு பிறகு ஸ்ரீ படத்தில் மூலம் ஹிந்தியில் ரீஎன்ட்ரி கொடுத்துள்ளார்.
இந்த நிலையில் தற்போது ஹிந்தியில் உருவாகும் மற்றொரு புதிய திரைப்படத்தில் நடிக்க அவர் ஒப்பந்தமாகியுள்ளார்.
அந்த திரைப்படத்தில் மாதவன், அஜய் தேவ்கான் ஆகியோர் முதன்மை கதாபாத்திரங்களில் நடிக்கின்றனர்.
விகாஸ் பால் என்பவர் அந்த படத்தை இயக்குகிறார்.
ஏற்கனவே, மாதவனும், ஜோதிகாவும் டும் டும் டும், பிரியமான தோழி ஆகிய படங்களில் நடித்துள்ள நிலையில் 3வது முறையாக இந்தப் படத்துக்காக இணையவுள்ளமை குறிப்பிடத்தக்கது.
