வவுனியாவில் பிரபல பாடசாலை ஒன்றில் கல்வி கற்கும் மாணவர்கள் குழுவொன்று மற்றுமொரு மாணவனை தலைக்கவசம் மற்றும் தடிகளால் தாக்கும் காணொளி சமூக வலைத்தளங்களில் வைரலாகியுள்ளது.
இத்தாக்குதலில் மாணவர் ஒருவர் காயமடைந்துள்ளதுடன், தாக்குதலுக்குள்ளான மாணவர் சம்பவம் தொடர்பில் வவுனியா பொலிஸி நிலையத்தில் முறைப்பாடு செய்துள்ளார்.இந்நிலையில், சம்பவம் தொடர்பில் இரு மாணவர்கள் கைது செய்யப்பட்டுள்ளதாக பொலிஸார் தெரிவித்தனர்.
மாணவர் தாக்கப்படும் காணொளி சமூக வலைதளங்களில் பரவி வருவதால், விசாரணை நடத்தி, தாக்குதலில் ஈடுபட்ட ஏனையவர்கள் கைது செய்யப்படுவார்கள் என்றும் பொலிஸார் தெரிவித்தனர்.
