150 வயது வரை உயிருடன் இருப்பேன் எனவும், அதற்கான வித்தையை கற்று வைத்துள்ளேன் என்றும் சரத்குமார் கூறியுள்ளார்.
அகில இந்திய சமத்துவ மக்கள் கட்சியின் தீர்மான விளக்கப் பொதுக்குழு கூட்டம் நேற்று நடைபெற்றது. அதில் நடிகரும் அக்கட்சியின் தலைவருமான சரத்குமார் கலந்து கொண்டு பேசினார்.
அவர் பேசுகையில், ”உங்கள் நாட்டாமை 2026 தேர்தலில் அரியணை ஏறவேண்டும் என்று சமக பொதுக்குழு தீர்மானத்தில் தெரிவித்துள்ளனர்.
ஆனால் அது சாத்தியமா என்று தேர்தலில்தான் தெரியவரும்.
அதற்கெல்லாம் முயற்சி, நேர்மை, உடல் வலிமை, மனவலிமை இருக்க வேண்டும்.
மதுவை ஒழிப்போம் என்று சொன்னால் அதில் அரசியல் கட்சிகள் உறுதியாக இருக்க வேண்டும்.
2026-ல் நாம் ஆட்சியில் அமரும்போது மது ஒழிக்கப்படும். தேவையற்ற இலவசங்களை ஒழிக்க வேண்டும்.
எனக்கு வயது 69 ஆகிறது, ஆனால் நான் இப்போதும் 25 வயது இளைஞனாகத்தான் இருக்கிறேன்.
150 வயது வரை உயிருடன் இருப்பேன். அதற்கான வித்தையை கற்று வைத்திருக்கிறேன்.
அந்த வித்தையை 2026ஆம் ஆண்டு சட்டமன்ற தேர்தலில் நீங்கள் என்னை அரியணையில் ஏற்றும்போது சொல்வேன்” என கூறியுள்ளார்
