நெஷனல் லீக் கால்பந்தாட்ட முதலாவது அரையிறுதி போட்டியில் குரோஷியா அணியானது நெதர்லாந்து அணியை 4-2 என்ற கோல் கணக்கில் வீழ்த்தி வெற்றிபெற்றது.
நெதர்லாந்து ஃபெயனூர்ட் மைதானத்தில் நடைபெற்ற குறித்த போட்டியில் குரோஷியா அணியானது நேற்றைய தினம் நெதர்லாந்து அணியை எதிர்கொண்டது.
ஆட்டத்தின் முதல் பாதியில் நெதர்லாந்து அணி வீரர் டோனியேல் மாலன் 34வது நிமிடத்தில் அடித்த கோலின் மூலம் 1-0 என்ற கணக்கில் நெதர்லாந்து அணி முன்னிலை வகித்தது.
இராண்டாம் பாதியில் பெனால்டி முறையின் அடிப்படையில் குரோஷியா அணி வீரர் ஆண்ட்ரேஜ் கிராமரிச் 55வது நிமிடத்தில் அடித்த கோலின் மூலம் 1-1 என்ற கணக்கில் போட்டி சமநிலையில் தொடர்ந்தது.
பின்னர், 72வது நிமிடத்தில் குரோஷியா அணி வீரர் மரியோ பசாலிக்அடித்த கோலின் மூலம் 2-1 என்ற கணக்கில் குரோஷியா அணி முன்னிலை வகித்தது.
மேலதிக நேரத்தில் 96வது நிமிடத்தில் நெதர்லாந்து அணி வீரரான நோவா லங் அடித்த கோலின் மூலம் 2-2 என்ற கணக்கில் போட்டி சமநிலையில் தொடர்ந்தது.
அதன் பின்னர், பெனால்டி முறையின் அடிப்படையில் குரோஷியா அணியின் தலைவரும் நட்சத்திர வீரருமான லூகா மோட்ரிக் அடித்த கோலின் மூலம் குரோஷியா அணி 4-2 என்ற கோல் கணக்கில் நெதர்லாந்து அணியை வீழ்த்தி இறுதி போட்டிக்கு முன்னேறியது.
