ராஜ நாகத்தை கழுத்தில் மாலையாக அணிந்த நபர்

இந்தியாவில் ராஜ நாகத்தை கழுத்தில் மாலையாக அணிந்த நபர் உயிரிழந்துள்ளார்.
பீகார் மாநிலத்தின் மதிபுரா மாவட்டத்தில் தான் இந்த சம்பவம் நடந்துள்ளது.

30 வயதான முகேஷ் குமார் ராம் ஆன்மீக நிகழ்ச்சி ஒன்றில் சிவபெருமான் கடவுளின் வேடம் அணிந்திருந்தார். இதையடுத்து தனது கழுத்தை சுற்றி ராஜ நாகத்தை மாலையாக அணிந்தார்.

அப்போது முகேஷை நாகம் தீண்டிய நிலையில் வலியால் துடித்தார். பின்னர் மருத்துவமனைக்கு கொண்டு செல்லப்பட்ட அவர் சிகிச்சை பலனின்றி உயிரிழந்தார்.

இதையடுத்து பொலிஸார் முகேஷ் சடலத்தை பிரேத பரிசோதனைக்காக அனுப்பி வைத்துவிட்டு விசாரணை நடத்தி வருகின்றனர்.