கிழக்கு மாகாண ஆளுநர் செந்தில் தொண்டமான், நடிகரும் தமிழ்நாட்டின் இளைஞர் நலன் மற்றும் விளையாட்டு மேம்பாட்டுத்துறை அமைச்சருமான உதயநிதி ஸ்டாலினினை சந்தித்து கலந்துரையாடியுள்ளார்.
நேற்றைய தினம் (05.07.2023) இடம்பெற்ற இச்சந்திப்பின்போது, இலங்கையின் பொருளாதாரம் மற்றும் எதிர்கால திட்டங்கள் குறித்துக் கலந்துரையாடப்பட்டுள்ளது.
மேலும் இலங்கை, தமிழ்நாட்டுக்கு மிக நெருக்கமான அயல் நாடாக இருப்பதால், இருதரப்பு உறவு பல நூற்றாண்டுகளாகத் தொடர்ந்து வருகின்றது.
அத்துடன், தமிழ்நாட்டின் ஆதரவு இலங்கை மக்களால் எப்போதும் அங்கீகரிக்கப்பட்டுப் பாராட்டப்படுவதாகவும் செந்தில் தொண்டமான் உதயநிதி ஸ்டாலினிடம் தெரிவித்துள்ளார்.
