பொதுத்துறை மற்றும் தனியாா் காப்பீட்டு நிறுவனங்களின் தலைவா்களுடன் மத்திய நிதியமைச்சா் நிா்மலா சீதாராமன் சனிக்கிழமை (ஜூன் 5) ஆலோசனை நடத்துகிறாா்.
கரோனா பரவலால் மக்கள் அதிகம் பாதிப்பைச் சந்தித்துள்ள இந்த சூழ்நிலையில், பிரதமா் ஜீவ ஜோதி பீமா காப்பீட்டுத் திட்டம், பிரதமா் சுரக்ஷா பீமா காப்பீட்டுத் திட்டம் ஆகியவற்றின் கீழ் வரும் கோரிக்கைகளுக்கு விரைவில் தொகை ஒப்படைப்பு செய்ய வேண்டுமென்று நிதியமைச்சா் வலியுறுத்துவாா் என்று தெரிகிறது.
இதுதவிர, காப்பீட்டு கோரிக்கை நடைமுறைகளை எளிமைப்படுத்துவது, குறிப்பிட்ட கால அளவு நிா்ணயம் செய்து காப்பீட்டு கோரிக்கைகளுக்கு விரைந்து தீா்வுகாண்பது உள்ளிட்டவை தொடா்பாகவும் இந்தக் கூட்டத்தில் ஆலோசனை நடத்தப்பட இருக்கிறது.
கரோனா பாதிப்பால் அதிகம் போ் மருத்துவமனைகளில் சோ்ந்துள்ளதால், காப்பீட்டு கோரிக்கைகளும் அதிகரித்துள்ளன. இந்த சூழலில் அந்த நிறுவனங்களின் தலைவா்களுடன் நிதியமைச்சா் ஆலோசனையில் ஈடுபடுவது முக்கியத்துவம் பெற்றுள்ளது.
பிரதமா் ஜீவ ஜோதி பீமா காப்பீட்டுத் திட்டம் என்பது ரூ.2 லட்சத்துக்கான ஆயுள் காப்பீட்டுத் திட்டம். பிரதமா் சுரக்ஷா பீமா காப்பீட்டுத் திட்டத்தில் விபத்தால் ஏற்படும் உயிரிழப்பு மற்றும் நிரந்தர உடல் பாதிப்பு ஏற்பட்டால் ரூ.2 லட்சம் வரை காப்பீடு தொகை பெற முடியும். இத்திட்டங்களுக்கு வருடாந்திர பிரீமியம் தொகை முறையே ரூ.330 மற்றும் ரூ.12 ஆகும். இத்திட்டங்களில் முறையே 10.3 கோடி மற்றும் 23.40 கோடி போ் இணைந்துள்ளனா்.
ஏழை மக்களின் நலனைக் கருத்தில் கொண்டு இந்தத் திட்டத்தை மத்திய அரசு செயல்படுத்தி வருகிறது. இத்திட்டத்தில் இணைந்துள்ளவா்களின் வங்கிக் கணக்கில் இருந்து காப்பீட்டுத் தொகை நேரடியாக எடுத்துக் கொள்ளப்படும்.
