லிபியா புயலை அடுத்து அங்கு உயிரிழவர்களுக்கு அஞ்சலி செலுத்தும் வகையில் 3 நாட்கள் தேசிய துக்க தினம் அறிவிக்கப்பட்டுள்ளது.
அதற்கமைய அடுத்த 3 நாட்களுக்கு தேசிய கொடியை அரைக்கம்பத்தில் பறக்கவிட அறிவுறுத்தப்பட்டுள்ளனர்.
லிபியாவில் கடந்த ஞாயிற்றுக்கிழமை தாக்கிய டேனியல் சூறாவளியில் சுமார் 2 ஆயிரத்து 300 பேர் பலியானதாக தெரிவிக்கப்படுகிறது.
டேனியல் சூறாவளி தாக்கியதை அடுத்து டெர்னாவில் இரண்டு நீர்த்தேக்கங்களும் நான்கு பாலங்களும் உடைந்து நகரின் பெரும்பகுதி நீரில் மூழ்கின.
மேலும் இந்த அனர்த்தத்தில் சுமார் 10 ஆயிரம் பேர் காணாமல் போயுள்ளதாக தெரிவிக்கப்படுகின்றது.
