அமெரிக்க ஜனாதிபதி ஜோ பைடன் தமது பதவிக்காலத்தில் முதலாவது சுற்றுப்பயணத்தை இன்று மேற்கொள்கின்றார். இங்கிலாந்திற்கு இன்று அவர் பயணிக்கவுள்ளதாக சர்வதேச ஊடகங்கள் செய்தி வெளியிட்டுள்ளன.
அந்நாட்டில் இடம்பெறும் ஜீ – 7 அபிவிருத்தி நாடுகளின் தலைவர்களின் பங்களிப்பில் இடம்பெறும் மாநாட்டில் கலந்துகொள்ளும் நோக்கில் அவரது விஜயம் அமைந்துள்ளது.
ஜனாதிபதி ஜோ பைடனுடன், அவரது பாரியார் ஜில் பைடனும் சுற்றுப்பயணத்தில் இணைந்துக்கொள்ளவுள்ளார்.
இதேவேளை எதிர்வரும் 13ம் திகதி அமெரிக்க ஜனாதிபதி ஜோ பைடன் வின்ட்சர் கோட்டையில் இரண்டாம் எலிசபெத் மகாராணியை சந்திக்கவுள்ளதாக சர்வதேச ஊடகங்கள் செய்தி வெளியிட்டுள்ளன.
