இலங்கையில் இனவாத மற்றும் மதவாத கருத்துக்களை வெளியிடுபவர்களுக்கு எதிராக உரிய சட்ட நடவடிக்கை மேற்கொள்ளப்படும் என கிழக்கு மாகாண ஆளுநர் செந்தில் தொண்டமான் தெரிவித்துள்ளார்.
தமிழ் மக்களை கடுமையாக அச்சுறுத்தும் வகையில் பெரும் துவேச கருத்துக்களை மட்டக்களப்பு மங்களராம விகாராதிபதி அம்பிட்டிய சுமன ரத்ன தேரர் அண்மைய நாட்களில் வெளியிட்டு வருகின்றார்.
இவ்வான கருத்துக்களை வெளியிடும் தேரருக்கு எதிராக ஏன் சட்ட நடவடிக்கை மேற்கொள்ளப்படவில்லையென அதிபர் ஊடக மையத்தில் இன்று இடம்பெற்ற ஊடகவியலாளர் சந்திப்பின் போது செந்தில் தொண்டமானிடம் ஊடகவியலாளர்கள் வினவியதற்கே அவர் இதனைக் கூறியுள்ளார்.
