நடிகர் அஜித்குமார் சென்னை திரும்பியது காணொளிகள் இணையத்தில் வைரலாகியுள்ளது.
அஜித் தற்போது மகிழ் திருமேனி இயக்கும் விடாமுயற்சி படத்தில் நடித்து வருகிறார்.
லைகா நிறுவனம் தயாரிக்கும் இந்தப் படத்தின் படப்பிடிப்பு அஜர்பைஜான் நாட்டில் நடைபெற்று வருகிறது.
இந்நிலையில், அஜித் சென்னை திரும்பிய காணொளி வைரலாகி வருகிறது.
இன்று மாலை கலைஞர் நூற்றாண்டு விழா பிரம்மாண்டமாக நடைபெறவுள்ளது.
அதில், சூப்பர் ஸ்டார் ரஜினி, உலகநாயகன் கமல்ஹாசன், இளையராஜா, அமிதாப் பச்சன் உள்ளிட்ட திரையுலக பிரபலங்கள் கலந்துகொள்கின்றனர்.
இந்த விழாவுக்காக அஜித், விஜய் ஆகியோருக்கும் அழைப்பு விடுக்கப்பட்டிருந்தது.
இதனால், கலைஞர் நூற்றாண்டு விழாவில் கலந்துகொள்வதற்காக தான் அஜித் சென்னை திரும்பியதாகக் கூறப்படுகிறது.
இந்த விழா முடிந்ததும் ஓரிரு நாளில் அஜித் மீண்டும் அஜர்பைஜான் சென்றுவிடுவார் எனவும் தகவல்கள் தெரிவிக்கின்றன.
