சட்டவிரோத மீன்பிடியில் ஈடுப்பட்டு கைது செய்யப்பட்ட மூன்று தமிழக மீனவர்களுக்கு விதிக்கப்பட்ட சிறை தண்டனையை கண்டித்து இன்று ஞாயிற்றுக்கிழமை ராமேஸ்வரம் விசைப்படகுகளில் மீனவர்கள் கருப்பு கொடியேற்றி போராட்டம் நடத்தி வருகின்றனர்.
சட்டவிரோத மீன்பிடியில் ஈடுப்பட்டு கைது செய்யப்பட்ட மூன்று தமிழக மீனவர்களுக்கு விதிக்கப்பட்ட சிறை தண்டனையை கண்டித்து ராமேஸ்வரம் மீனவர்கள் இன்று முதல் தொடர் வேலைநிறுத்த போராட்டத்தையும், கச்சத்தீவு திருவிழாவை புறக்கணிப்பதாகவும் தெரிவித்துள்ளனர்.
தமிழக மீனவர்கள் மூன்று பேருக்கு நேற்று முன்தினம் சிறை தண்டனை விதிக்கப்படுவதாக அறிவிக்கப்பட்டது.
இதனையடுத்து குறித்த மீனவர்களை உடனடியாக விடுதலை செய்ய வலியுறுத்தி நேற்று ராமேஸ்வரம் மீன் பிடி துறைமுகத்தில் அனைத்து விசைப்படகு மீனவ சங்கம் சார்பில் அவசர ஆலோசனை கூட்டம் நடத்தப்பட்டது.
